網紅的藏寶箱你有冇曾經因為見到你而家做緊嘅工作，
好似冇乜進展，感到好氣餒，好想放棄？
同大家分享一個故事：
你知唔知嗰啲竹要用幾耐時間先生到咁高？
第一年，每日好努力咁灌溉施肥，
一年過後，完全冇嘢會發生。
第二年繼續灌溉施肥，都係冇嘢會發生。
第三年、第四年，都係。
去到第五年，有一日佢終於長出地面，
然後只要用多五個禮拜嘅時間，
佢就會馬上生到90呎高。
咁我問你，到底佢係用咗幾耐時間先生到咁高？
五星期？定係五年？
答案係五年。
因為係過去五年每日不停咁灌溉施肥，
令到呢棵竹嘅根向下生得好好，
佢先可以夠力去頂住日後幾層樓咁高嘅竹，
只要喺五年入面任何一日停止養育佢，
最後，都可能得唔到呢個結果。
所以回答返最初嘅問題，
如果你因為見到你而家做緊嘅嘢未有成績，
你感覺到好頹，好唔開心，好洩氣，
你一定要同自己講：
「繼續努力，唔好放棄，
終有一日，一定會出人頭地！」
Search